რუსეთში ქართული ღვინის რეალურმა მიწოდებამ 2013 წელს მოსალოდნელ პროგნოზებს 2 -ჯერ გადააჭარბა. როგორც გამოცემა „RBC" წერს, ემბარგოს მოხსნიდან ნახევარი წლის შემდეგ, რუსეთში 21 მლნ ბოთლი ღვინის იმპორტი უკვე განხორციელდა. როგორც ექსპერტები აცხადებენ, ამ ნაბიჯით საქართველო მსხვილი იმპორტიორების ათეულში მიხვდა, მთლიანობაში 2013 წელს ქართული ღვინომ რუსეთის იმპორტის 5,45 % -ი შეადგინა, რაც მთლიანო ბაზრის 2,42 % -ია.
საქართველოს ღვინის სააგენტოს ინფორმაციით, 2014 წლის 1 კვარტალში რუსეთზე ქვეყნის ექსპორტირებული ღვინის 71 % მოდიოდა.
კომპანია ILS -ის მარკეტინგის სამსახურის ხელმძღვანელი ვიაჩესლავ ოდეგოვი აცხადებს, რომ ემბარგოს მოხსნის შემდეგ, მთელმა რიგმა კომპანიებმა საკუთარ პორტფელში ქართული ღვინოები დაამატეს და საქართველოს სავარაუდო პროგნოზებზე უკეთეს შედეგებს აჩვენებს.
ქართული ღვინის ექსპორტიორი კომპანიის „მორო"-ში მიიჩნევენ, რომ განვლილი 8 წლის განმავლობაში რუსმა მომხმარებელმა არ დაივიწყა ქართული ღვინო და ქართულ ღვინოს ერთგვარად „დაეხმარა" მოლდოვიდან ღვინის მიწოდების აკრძალვაც.
რუსი რეითეილერები აცხადებენ, რომ მიუხედავად ამჟამინდელი ვითარებისა სათუოა ქართული „ქინძმარაული" „ტოპ-3"-ში დიდ ხნის განმავლობაში დარჩეს. მათი თქმით, გაყიდვების ლიდერები საფრანგეთი , იტალია და ესპანეთი არიან. ექსპერტები ასევე აცხადებენ, რომ ქართული ღვინის პოპულარულობამეტწილად განაპირობა პროპაგანდამ, რომელიც გასულ წელს ღვინის რუსეთის რუსეთის ბაზარზე დაბრუნებას ეხებოდა. მათივე განცხადებით, გაყიდვებში უპირატესობა აფხაზეთიდან რუსეთში შეტანილ დაბალ ფასიან ღვინოებს ენიჭებათ.
იმ პირობებში, როდესაც ერთი ბოთლი ქართული ღვინის ღირებულების ფასს მწარმოებლები ლოჟისტიკური ხარჯების, საბაჟო გადასახადის, ფასნამატისა და სხვა მაჩვენებლების გარეშე 2014 წლისთვის 3,18, - 3,2 დოლარის ფარგლებში განსაზღვრავენ, რუსეთში იმპორტირებული ღვინის შესასყიდ ფასად 2.3 - 6,6 დოლარი ფიქსირდებოდა, რაც კომპანია ILS -ის განცხადებით, ევროპის ქვეყნებიდან ექსპორტირებული პროდუქციის საშუალო ფასზე მეტია. ვიაჩესლავ ოდეგოვი აცხადებს, რომ რუსეთის მაღაზიებში ხშირად ღვინის ფასი შესასყიდ ფასს 3 -ჯერ აღემატება.
