„პოლონეთი მხარს საქართველოს მისწრაფებებს, მონაწილეობა მიიღოს როგორც ევროპულ, ისე ნატოს პროექტებში", _ამის შესახებ, პოლონეთის პრეზიდენტმა ბრონისლავ კომაროვსკიმ ქართველ კოლეგასთან შეხვედრის შემდეგ განაცხადა.
მისივე თქმით, პოლონეთი კვლავ გააგრძელებს საქართველოს მხარდაჭერას ამ მიმართულებით.
,,პრეზიდენტთან შევთანხმდით, რომ კვლავაც განვაგრძობთ მხარდაჭერას ამ მიმართულებით. დღეს საქართველოს ყველაზე დიდი მიზანი, რომელსაც პოლონეთი მხარს უჭერს, არის ამბიცია, უმოკლეს დროში მოაწეროს ხელი ასოცირების ხელშეკრულებას. საქართველოსა და ევროკავშირს შორის ამ ხელშეკრულების ხელმოწერა კიდევ უფრო მნიშვნელოვანია უკრაინის კრიზისისა და რუსეთ-უკრაინის ურთიერთობის ფონზე. მინდა ხაზგასმით აღვნიშნო, რომ ამ საკითხთან დაკავშირებით ჩვენი თვალსაზრისი აბსოლუტურად ემთხვევა და გვჯერა, რომ ასოცირების ხელშეკრულების ხელმოწერა აღმოსავლეთ პარტნიორობის ფარგლებში დასავლეთის მხრივ საუკეთესო რეაგირებაა რუსეთ-უკრაინას შორის შექმნილ ვითარებაზე. უკრაინაც ევროკავშირთან შეთანხმების ხელმოწერის კანდიდატია. ეს გამოხატავს დასავლეთისა და პოლონეთის მტკიცე გადაწყვეტილებას. ამას გარდა, ჩვენ შევთანხმდით, რომ გავაგრძელებთ მჭიდრო თანამშრომლობას", _განაცხადა პოლონეთის პრეზიდენტმა.