ADB-ს მთავარი ყოველწლიური ეკონომიკური გამოცემა, 2014 წლის "აზიის განვითარების მიმოხილვა", რომელიც დღეს გამოქვეყნდა, პროგნოზირებს, რომ განვითარებადი აზია მიაღწევს მთლიანი შიდა პროდუქტის (მშპ) ზრდას 6,2%-ით 2014 წელს და 6,4%-ით 2015 წელს. 2013 წელს რეგიონში ზრდამ 6.1% შეადგინა.

"განვითარებადი აზია წარმატებულია რთული გლობალური ეკონომიკური გარემოს მიუხედავად და კარგი პოზიციები გააჩნია სტაბილური ზრდისათვის მომდევნო ორი წლის განმავლობაში. პერსპექტივაში არსებული რისკები შესუსტდა ახლო წარსულთან შედარებით და რეგიონში პოლიტიკის განმსაზღვრელებს ძალუძთ მათი მართვა. ამავე დროს, ქვეყნებმა კვლავაც არ უნდა დაიშურონ ძალისხმევა ჯანსაღი მაკროეკონომიკური პოლიტიკისა და საჭირო სტრუქტურული რეფორმების გასატარებლად", -განაცხადა ADB-ს პრეზიდენტმა ტაკეჰიკო ნაკაომ.

ამ პერსპექტივას ორი ფართომასშტაბიანი ტენდენცია განსაზღვრავს. მოსალოდნელია აზიის შუალედური შედეგის ზრდა, რადგანაც უმთავრესი სამრეწველო ეკონომიკების აღდგენის პროცესი ძალას იკრებს. ნავარაუდევია, რომ შეერთებული შტატების, ევროზონის და იაპონიის კომბინირებული მშპ-ის ზრდა 2013 წელს არსებული 1.0 %-იდან 2014 წელს 1.9%-ს მიაღწევს, ვიდრე 2015 წელს 2.2%-მდე არ განმტკიცდება.

მოთხოვნის გაუმჯობესებას გარკვეულწილად ჩინეთის სახალხო რესპუბლიკის მოკრძალებული ზრდის ტემპი შეანელებს, აქ ეკონომიკური ზრდა 2013 წელს 7.7%- მდე შენელდა. აღნიშნული ვარდნა გაჭიანურებულმა საკრედიტო ზრდამ, ჭარბი სამრეწველო სიმძლავრეების შეკვეცამ, ადგილობრივი მთავრობის ვალის ზრდამ, ხელფასების ზრდამ, ვალუტის რევალვაციამ (კურსის ზრდა) და მთავრობის მეირ განვითარების პრიორიტეტების რაოდენობიდან ხარისხისაკენ განუხრელმა გადაადგილებამ გამოიწვია. ეს ფაქტორები შენარჩუნდება და ჩინეთის ზრდა, პროგნოზის თანახმად, შენელდება 7.5%-მდე 2014 წელს და 7,4%-მდე 2015 წელს.