შეწყალების კომისიის თავმჯდომარემ ალეკო ელისაშვილმა შეწყალების ახალი დებულების დეტალებზე ჟურნალისტებთან ისაუბრა და აღნიშნა, რომ უვადო მსჯავრდებულებს 10 და 15 წლის გასვლის შემდეგ შეწყალების თხოვნა შეეძლებათ.
,,აქამდე არსებული დებულებით იყო, რომ 25 წელი გაეტარებინათ საპატიმროში და შემდეგ ჰქონდათ უფლება მიემართათ კომისიისთვის. ეს ვადა მცირდება და 10 წლის, 15 წლის გასვლის შემდეგ უვადო მსჯავრდებულებს შეეძლებათ მომართვა. კიდევ ერთი - ამნისტირებული და შეწყალებული მსჯავრდებულები, რომლებიც ნასამართლეობის გაქარწყლებამდე ჩაიდენენ დანაშაულს და ისევ მოხვდებოდნენ საპატიმროებში, ძველი დებულებით მათ საქმეებს კომისია საერთოდ არ იხილავდა, ჩვენ განვიხილავთ ახალი დებულებით მათ საქმეს, მაგრამ შეწყალებულმა ან ამნისტირებულმა, რომელმაც გაქარწყლებამდე ჩაიდინა დანაშაული, სასჯელის 2/3 უნდა მოიხადოს და ამის შემდეგ განვიხილავთ ჩვენ მათ საქმეებს. რაც შეეხება პირობით სასჯელს, პირობითი სასჯელი ვისაც აქვს და ვინც პირობითში ჩაიდინა დანაშაული, მათ საქმეებს ძველი წესით კომისია არ იხილავდა, ახალი დებულების თანახმად, ეს განიხილება, მაგრამ მათ 2/3 უნდა მოიხადონ", - ალექსანდრე ელისაშვილმა.
