შეხვედრისას განხილულ იქნა საქართველოსა და ლატვიას შორის კულტურის სფეროში თანამშრომლობის მნიშვნელოვანი ასპექტები. ელჩმა, ლატვიის კულტურის მინისტრს მიაწოდა ინფორმაცია საელჩოს მიერ დაგეგმილი ღონისძიებების შესახებ, რომლებიც მიზნად ისახავს ქართული კულტურის პოპულარიზაციას ლატვიის რესპუბლიკაში.

თეიმურაზ ჯანჯალიამ მადლობა გადაუხადა პირადად მინისტრს და კულტურის სამინისტროს, ანსამბლ "სუხიშვილების" კონცერტის ორგანიზების მხარდაჭერისათვის. ასევე ხაზი გაესვა იმ ფაქტს, რომ აუცილებელია კულტურული თანამშრომლობის გააქტიურება, ვინაიდან რიგა 2014 წელს ევროპის კულტურის დედაქალაქია.

მხარეებმა აღნიშნეს, რომ მნიშვნელოვანია ქართველ და ლატვიელ მომღერლებს, მწერლებს, ლიტერატურის სფეროსა და ზოგადად ხელოვნების წარმომადგენლებს შორის ორმხრივი ურთიერთობები გააქტიურდეს და გაღრმავდეს.

ლატვიის რესპუბლიკის კულტურის მინისტრმა გამოხატა მზადყოფნა უახლოეს მომავალში საქართველოს ესტუმროს.