საქართველოს პრეზიდენტს შვიდი ქვეყნის არარეზიდენტმა ელჩმა რწმუნებათა სიგელი გადასცა.
დღეს საქართველოს პრეზიდენტის სასახლეში არარეზიდენტი ელჩების მიერ რწმუნებათა სიგელების გადაცემის ცერემონია გაიმართა. ქვეყნის პირველ პირს რწმუნებათა სიგელები შვიდი ქვეყნის: ომანის სასულთნოს, ირლანდიის, ავსტრალიის, სერბეთის, თურქმენეთის, ფილიპინებისა და მალტის არარეზიდენტმა ელჩებმა გადასცეს. ცერემონიის დასრულების შემდეგ მხარეებმა ქვეყნებს შორის მრავალმხრივი თანამშრომლობის გაღრმავების აუცილებლობის შესახებ ისაუბრეს და დიპლომატიური ურთიერთობის განვითარების პერსპექტივები განიხილეს.
