საქართველოს სახალხო დამცველის უჩა ნანუაშვილის ჟენევაში ვიზიტისას, უკრაინის საპარლამენტო ომბუდსმენთან ვალერია ლუტკოვსკაიასთან ერთად ხელი მოეწერა უკრაინისა და საქართველოს ომბუდსმენებს შორის ურთიერთთანამშრომლობის მემორანდუმს.
სახალხო დამცველის აპარატის ინფორმაციით, ტრადიციულად მეგობრული ურთიერთობები უკრაინასა და საქართველოს შორის აისახა ხელმოწერილ მემორანდუმშიც, შეთანხმების ერთ-ერთ მნიშნელოვან ნაწილს წარმოადგენს თანამშრომლობა მოქალაქეების უფლებების დაცვის საკითხებში საქართელოს და უკრაინის ტერიტორიაზე, რაც გულისხმობს ინფორმაციის გაცვლას უფლებადარღვევის შესახებ და შესაბამისი დახმარების აღმოჩენის შესაძლებლობას.
საქართველოსა და უკრაინის ომბუდსმენები შეთანხმდნენ, ადამიანის უფლებათა სფეროში ერთობლივი კონფერენციების და სემინარების მოწყობაზე, გამოცდილების გაზიარებაზე და სასწავლო ვიზიტების ორგანიზებაზე.
ადამიანის უფლებათა დაცვის მაღალი სტანდარტის დასამკვიდრებლად საქართველოს სახალხო დამცველი განაგრძობს სხვადასხვა ქვეყნების ომბუდსმენის ინსტიტუტებთან ურთიერთ თანამშრომლობის გაღრმავებას.