გერმანული საბანკო კონცერნი Deutsche Bank AG უკრაინაში გააქტიურებას და ბინზესის წარმოებას გეგმავს, აღნიშნულის შესახებ უკრაინის ეროვნული ბანკის პრეზიდენტს ინფორმაცია Deutsche Bank -ის ცენტრალური და აღმოსავლეთ ევროპის რეგიონალურმა დირექტორმა პიტერ თილიზმა მიაწოდა. როგორც უკრაინის ეროვნული ბანკის მიერ გავრცელებულ ინფორმაციაშია აღნიშნული Deutsche Bank -ი ქვეყანაში მუშაობას გააქტიურებს და ეს ძირითადად ენერგეტიკის, აირის ტრანსპორტირების ინფრასტრუქტურისა და სოფლის მეურნეობის დარგების მიმართულებით მოხდება.
როგორც ცნობილია უკრაინის ეროვნული ბანკი აქტიურ მოლაპარაკებებს აწარმოებს საერთაშორისო საზოგადოებასთან ფინანსური დახმარების მიღების შესახებ. უკვე ცნობილია, რომ ევროპის განვითარებისა და რეკონსტრუქციის ბანკი მზადაა უკრაინაში საკუთარი პორთფელი , 5 წლის განმავლობაში 5 მლრდ დოლარამდე გაზარდოს. იმავდროულად 2020 წლამდე ევროკომისია უკრაინას 11 მლრდ ევროს გამოყოფასაც დაპირდა .
