უკრაინის მინისტრთა კაბინეტმა მიიღო გადაწყვეტილება ყველა სახელმწიფო აგარაკის, სახლისა და სხვა უძრავი ქონების გასხვისების შესახებ, - შესაბამისი განცხადება უკრაინის ფინანსთა მინისტრმა ალექსანდრ შლაპაკმა გააკეთა.
„მიღებულია ოთხი დადგენილება, უმთავრესი გადაწყვეტილებაა საბიუჯეტო სახსრების ეკონომიის შესახებ. ამავე დადგენილებაში ყველა სამინისტროსა და უწყებას მიეცა ბრძანება, ჩაატარონ სახელმწიფო რეზიდენციების, აგარაკების, დასასვენებელი სახლების, გამაჯანსაღებელი დაწესებულებების და სხვა ანალოგიური ტიპის ქონების ინვენტარიზაცია. პროცესი 2 თვე გაგრძელდება და ყველა ინვენტარიზირებული ქონება გადაეცემა სახელმწიფო ქონების ფონდს რეალიზაციისთვის"- განაცხადა მინისტრმა.
მისივე თქმით, უკრაინის მინისტრთა კაბინეტმა აკრძალა ავტოსტანსპორტო საშუალებების, მობილური ტელეფონების, ნოუთბუქების შეძენა, სარემონტო სამუშაოების ჩატარება, ხარჯების გაწევა მობილური ტელეფონებით კავშირის დასამყარებლად, ჩარტერული რეისებისათვის სახსრების გამოყოფა, ახალი საბიუჯეტო დაწესებულებების შექმნა, საბიუჯეტო სექტორში დასაქმებულთა რაოდენობის ზრდა და სხვა ანალოგიური ღონისძიებები
