დანიელ დოინიცინი განმარტავს, რომ მომხმარებელს ბინები სრული რემონტით ჩაბარდება და რაც მთავარია, Babillon Tower-ი აღჭურვილი იქნება უახლესი, თანამედროვე დაცვის კონტროლის სისტემებით, რაც Tower-ის მაცხოვრებლებს დიდ კომფორტს მისცემს. უფრო კონკრეტულად კი საუბარია დისტანციურ მართვაზე, რაც საქართველოში საკმაოდ იშვიათი სერვისია.
აღსანიშნავია, რომ ე.წ. წინა გაყიდვების პერიოდში Babillon Tower-ში 15 ფართი, საკმაოდ ხელმისაწვდომი და შეღავათიანი პირობებით უკვე გახსვისდა. საცხოვრებელი ფართების რეალიზაციას „TAM GEO LLC" ოფიციალურად მარტის ბოლოდან დაიწყებს, სადაც 1 კვ/მ ფართის ფასი 2500 დოლარიდან დაიწყება, ასევე აღსანიშნავია რომ თითო ბინის ჭერის სიმაღლე 3 მეტრი იქნება. კომპანიის მენეჯმენტს იმედი აქვს, რომ საცხოვრებელ ფართებზე მოთხოვნა მაღალი იქნება, რადგანაც კლიენტებს Babillon Tower-ში მომხმარებლებს საკმაოდ მაღალი ხარისხი და მომსახურების მაღალი დონე ელოდებათ.
როგორც „TAM GEO LLC"-ში განმარტავენ, რამდენიმე დღის უკან ბინის ტიპების საბოლოო ვარიანტზე მუშაობა დასრულდა და ახალი შეთავაზებები პოტენციურ კლიენტებს უახლოეს პერიოდში დაეგზავნებათ.

იმავდროულად, პროექტის შესახებ სპეციალური 35 გვერდიანი კატალოგი მომზადდა, რომელიც საზღვარგარეთ დაიბეჭდა და უახლოეს პერიოდში მისი გავრცელებაც დაიწყება.

გაყიდვების წახალისებისთვის კომპანია სხვადასხვა სახის აქციებსაც გეგმავს. როგორც „TAM GEO LLC"-ს წარმომადგენელი დანიელ დოინიცინი ამბობს, „TAM GEO LLC"-ს რეალიზაციის განსხვავებული მიდგომები აქვს და ამიტომ Tower-ში ფართები მშენებლობის დონის მიხედვით მოხდება.

„ჩვენთან სართულების გაყიდვების მიდგომა სხვანაირია, სართული უნდა იყოს ხელმისაწვდომი გასაყიდად, კომპანია რეზერვში იტოვებს ხოლმე რამოდენიმე სართულს"- აცხადებს დოინიცინი. მთლიანობაში კი Babillon Tower-ი 421 ბინაზეა გათვლილი.
შეგახსენებთ, რომ Babillon Tower-ის საინვესტიციო მოცულობა, რომელიც ზღვისპირა ქალაქში, რუსთაველის # 30-ში შენდება, 70 მლნ დოლარით იყო განსაზღვრული, თუმცა პროექტის მასშტაბის ზრდის ფონზე, ინვესტიციის მოცულობა 80 მლნ დოლარამდე გაიზარდა. კომპანიამ პროექტის განხორციელებისათვის 2013 წელს 17.5 მილიონი დოლარის ინვესტიცია უკვე განახორციელა.
როგორც ცნობილია, კომპლექსის სიმაღლე 170 მეტრი იქნება და ის 2 კოშკისგან შედგება, საიდანაც ერთი საცხოვრებელი/საოფისე/სავაჭრო ცენტრი იქნება, ხოლო მეორე კომპლექსში - 4 ვარსკვლავიანი, მსოფლიო ბრენდის ფეშენებელური, სასტუმრო განთავსდება. უკვე ცნობილია, რომ სასტუმროში ნომრების ფასი კი დაახლოებით 100 დოლარიდან 120 დოლარამდე იქნება.
პროექტის თანახმად, Babillon Tower-ი 47 სართულიანი იქნება და შენობაში განთავსდება ასევე: მიწისქვეშა ავტოსადგომი, 2 სართულიანი სავაჭრო ცენტრი, ოფისები (7 სართული), ხოლო დარჩენილ ფართში საცხოვრებელი კომპლექსები განთავსდება და მომხმარებლებს ექნება სრული ის მომსახურება, რაც სასტუმროში.
კომპლექსში ასევე იქნება ბავშვების გასართობი მოედანი, სპა ცენტრი, ფიტნეს ცენტრი, საუნა, ღია აუზი, დახურული და ღია რესტორნები და კაფეები, ვალეტ სერვისი, ქიმწმენდა, სილამაზის სალონი და სხვა.
Babillon Tower-ში სავაჭრო ცენტრი და კვების ობიექტების გახსნა 2014 წლის ბოლომდე არის დაგეგმილი. რაც შეეხება სასტუმროს 2015 წლის ზაფხულის სეზონისათვის,მთლიანად პროექტის დასრულებას 2015 წლის ბოლოსთვისაა ნავარაუდევი. Babillon Tower-ის არქიტექტურის კომპანია TagoArch