კულტურისა და ძეგლთა დაცვის მინისტრი გურამ ოდიშარია სამინისტროს მიერ დახარჯულ თანხებზე განმარტებას აკეთებს. როგორც საკითხის კომენტირებისას ოდიშარიამ განახადა, სამინისტროს მიერ დახარჯულ თანხებთან დაკავშირებით საქმის შესწავლა აუდიტის სამსახურს დაავალა.
,,არსებული ციფრები რამდენად სწორია არ ვიცი, მე უკვე დაუკერე ჩემს აუდიტს, რადგან საუბარია ამ თემაზე და დავიწყებთ საქმის შესწავლას", _განაცხადა ოდიშარიამ.
ოდიშარიამ განმარტება ფრანკფურტში დახარჯულ თანხებთანაც დაკავშირებით გააკეთა.
,,შარშან ფრანკფურტში წიგნის ბაზრობა ჩატარდა, რომელიც დიდი ხანია ტარდება და მსოფლიო მნიშვნელობისაა. ამ დროს ფრანკფურტს მილიონზე მეტი სტუმარი ჰყავს. 2018 წელს ფრანკფურტის წიგნის ბაზრობაზე საქართველო იქნება საპატიო სტუმარი, რაც დიდი პატივია. წიგნის ბაზრობის დროს, როგორც ჩემმა პროტოკოლმა შემატყობინა, ძალიან ძვირდება სასტუმროები, რესტორნები და ფრანკფურტის ხარჯებთან დაკავშირებით როგორც მოვახერხებთ, ალბათ, დღესაც ოფიციალურ ინფორმაციას მოგაწვდით ", _განაცხადა ოდიშარიამ.
მისივე განცხადებით, მიუხედავად იმისა, რომ კანონმდებლობით მას ბიზნეს კლასის თვითმფრინავით მომსახურება ეკუთვნის, ამ სერვისით არასდროს არ უსარგებლია.
,,მეკუთვნის, მაგრამ არასოდეს არ მისარგებლია ბიზნეს კლასის თვითმფრინავით"_განაცხდა ოდიშარიამ.
შეგახსენებთ, რომ IDFI -ს ინფორმაციით, კულტურის მინისტრისა და მისი ორი მოადგილის ფრანკფურტში ვიზიტისას 16 488 ლარი დაიხარჯა.