დღეს, 13 თებერვალს, 12:00 საათზე სასტუმრო „რადისონ ბლუ ივერიაში" ექსპერტთა ოთხეული: ლევან კალანდაძე, ირაკლი ლექვინაძე, ლევან ალაფიშვილი და გიორგი აბაშიშვილი ერთობლივ ბრიფინგს გამართავენ და ხელისუფლებას კომერციული ბანკებისთვის არასაბანკო და არაპროფილური საქმიანობის აკრძალვის წინადადებით მიმართავენ.
ექსპერტები იმ წერილის შინაარსსაც განასაჯაროვებენ, რომლითაც ისინი საქართველოს პრემიერ მინისტრს, პარლამენტის თავმჯდომარესა და ეროვნული ბანკის პრეზიდენტს მიმართავენ.
კომერციული ბანკებისთვის არასაბანკო და არაპროფილური საქმიანობის აკრძალვის წინადადების გარდა, ბრიფინგზე ერთ-ერთ აუცილებელ პირობად ექსპერტებმა სესხებისა და კრედიტების გაცემის კუთხით ბანკებთან უშუალო კავშირში მყოფი სუბიექტებისთვის (როგორც კომპანიები, ასევე საბანკო ადმინისტრატორის სტატუსის მქონე ფიზიკური პირები და კომერციული ბანკის მნიშვნელოვანი წილის მქონე პირები) პირდაპირი თუ არაპირდაპირი გზით უპირატეს მდგომარეობაში ჩაყენების შესაძლებლობის მაქსიმალური შეზღუდვის საკითხსაც დასვავენ.
