თბილისის საკრებულოსთან აქცია მიმდინარეობს. რამდენიმე არასამთავრობო ორგანიზაციის წარმომადგენლები 2014 წლის ბიუჯეტის პროექტს აპროტესტებენ.
აქციის მონაწილეები საკრებულოსთან პლაკატებით არიან მისული წარწერით ,,არა ნაციონალების" ბიუჯეტს. როგორც ,,ჯი-ეიჩ-ენთან" საუბარში აქციის ერთ-ერთმა მონაწილებმ განაცხადა მათთვის მიუღებელია ბიუჯეტის ის პროექტი, რომელსაც საკრებულოს წევრები რიგგარეშე სხდომაზე განიხილავენ.
,,რამდენიმე არასამთავრობო ორგანიზაციისა და საინიციატივო ჯგუფის წარმომადგენლები ვაპროტესტებთ თბილისის მერიის მიერ წარმოდგენილ ბიუჯეტის პროექტს და საკრებულოს მოვუწოდებთ არ დაამტკიცოს იგი. ჩვენ გვაქვს გონივრული ეჭვი რომ პროექტის მიხედვით გაწერილი ბიუჯეტი გამოყენებული იქნება ,,ნაციონალური მოძრაობის" ინტერესებისთვის", _განაცხადა ,,ჯი-ეიჩ-ენთან" საუბარში ლევან ალექსიშვილმა.
შეგახსენებთ, რომ თბილისის 2014 წლის ბიჯეტის შესწორებულ ვარიანტზე საკრებულოში რიგგარეშე სხდომა მიმდინარეობს.
