ოლიმპიადის სტუმრებისათვის ოკუპირებული აფხაზეთის მონახულების პროცედურა გამარტივებულია. აფხაზური მედიის ინფორმაციით, აფხაზეთში რუსეთის მხრიდან შემსვლელთათვის ე.წ. ვიზების გაცემის პროცედურა გამარტივდა.
„მათ აფხაზეთში შესასვლელი ვიზა შესაძლოა პირდაპირ საზღვარზე მიიღონ. ასევე იქვე მიიღებენ ცნობას უკან დაბრუნების შესახებ",_ წერს აფხაზური მხარე და აღნიშნავს, რომ ჯერ ჯერობით ეს წესები ოლიმპიადის ჩატარების ბოლომდე იმოქმედებს.
აფხაზური მხარე ასევე აღნიშნავს, რომ ახალი წესები გაცილებით უფრო უადვილებს ტურისტებს აფხაზეთის მონახულებას.
„ხოლო რაც შეეხება უცხო ქვეყნის მოქალაქეებს, რომლებსაც შემოსვლა რესპუბლიკაში საქართველოს მხრიდან სურთ, აქ ძველი წესები მოქმედებს. უცხოელმა პასპორტის ასლი აფხაზეთში უნდა გააგზავნოს და ანკეტის ელექტრომული ვერსია უნდა შეავსოს. აფხაზეთში ჩასვლის ნებართვა ელექტრონული ფოსტით იგზავნება", _ იუწყება აფხაზური მხარე.
