საზღვარგარეთის ქვეყნებში ქართულ ასკილზე მოთხოვნის დინამიკა ზრდადია. „საქსტატის" ინფორმაციით, 2013 წელს საქართველოდან 77,1 ტონა ასკილის ექსპორტი განხორციელდა, მაშინ როდესაც 2012 წელს ქვეყნიდან 33,7 ტონა ასკილის ექსპორტი მოხდა. აღსანიშნავია, რომ 2013 წელს გატანილი ასკილის ღირებულებამ 124,6 ათასი დოლარი შეადგინა, მაშინ როდესაც 2012 წელს საქართველომ საზღვარგარეთის ქვეყნებში 55,5 ათასი დოლარის ასკილის ექსპორტი განახორციელა. როგორც ირკვევა, 2013 წელს ქართული ასკილისთვის მთავარი საექსპორტო ბაზარი ბულგარეთია, სადაც 2013 წელს 77,8 ათასი დოლარის ღირებულების, 44 ტონა ასკილის ექსპორტი განხორციელდა. რაც შეეხება 2012 წელს, 2012 წლისთვის ქართული ასკილისთვის მთავარი საექსპორტო ქვეყანა გერმანია იყო, სადაც 21,6 ათასი დოლარის ღირებულების 13,4 ტონა ასკილის ექსპორტი განხორციელდა. აღსანიშნავია, რომ 2013 წელს ასკილის ექსპორტი განხორციელდა რუსეთშიც, სადაც გასულ წელს 14,5 ათასი დოლარის ღირებულების 15,1 ტონა ასკილია ექსპორტირებული.