2013 წელს 2012 წელთან შედარებით, აჭარაში საიჯარო შემოსავლები 250 %-ით გაიზარდა. როგორც აჭარის ფინანსთა და ეკონომიკის სამინისტროში განმარტავენ, 2013 წელს 22 საიჯარო ხელშეკრულება გაფორმდა, საიდანაც ბიუჯეტში შესასვლელი საიჯარო თანხა 644 ათას 700 ლარს შეადგენს, ხოლო უკვე შესული თანხა კი 401 ათას 660 ლარს.
სამინისტროს ინფორმაციით, იჯარის ფორმით დროებით სარგებლობაში გადაცემული ობიექტებიდან 2012 წელს საიჯარო ხელშეკრულება 1 ობიექტზე იქნა გაფორმებული. ბიუჯეტში შესული საიჯარო თანხამ კი 160 ათას 636 ლარი შეადგინა.
აჭარის ფინანსთა და ეკონომიკის სამინისტროში განმარტავენ, რომ 2013 წელს
უპრეცედენტო ფასად გაიცა, ბათუმში ეროვნული ბანკის პირველ სართულზე არსებული ფართი, რომლის წლიური საიჯარო თანხა 90 ათას ლარს შეადგენს.
ბულვარის ტერიტორიაზე მიწის ნაკვეთი იჯარის ფორმით, წლიურ 72 ათას 660 ლარად გაიცა. ასევე ქობულეთის ყოფილი საავადმყოფოს ტერიტორია იჯარის ფორმით, წლიურ 50 ათას ლარადაა გაცემული.
2018 წლამდე იჯარით გაიცა ასევე, სამშობიარო სახლის შენობა, სადაც მის დროებით მეპატრონეს ყოველწლიურად 240 ათასი ლარის გადახდა მოუწევს.
