განათლების მინისტრი თამარ სანიკიძე მადატურებთან დაკავშირებით გავრცელებულ ინფორმაციას პროვოკაციას უწოდებს.
სანიკიძის განცხადებით, ის გეგმავს, რომ გამოავლინოს ის პირები ვინც მანდატურების სამსახურს ამგვარი პროვოცირება გაუკეთა.
,,პირველ რიგში რასაც გავაკეთებ აუცილებლად მოვახდენ იდენტიფიკაციას იმ ადამიანების ვინც ამას პროვოცირება გაუკეთა. არც ერთი ინფორმაცია სიმართლეს არ შესაბამება, რაც გუშინ გაჟღერდა. მანდატურის სამსახურის რეფორმა განხორციელდა არაჩვეულებრივად და მთელი წელია ამაზე ვლაპარაკობთ. ტელეთერებიც გამოვიყენეთ იმისთვის, რომ როგორ გარდაიქმნა მანდატურების სამსახური და რამდენად მოთხოვნადი გახდა", _განაცხადა თამარ სანიკიძემ.
შეგახსენებთ, რომ უკვე მეორე დღეა რაც მანდატურის სამსახურის წარმომადგენლები საპროტესტო აქციას მართვენ. ისინი კანონში შესულ ცვლილებებს აპროტესტებენ, რომლის თანახმად, მანდატურების სამსახური საჯარო სკოლის დირექტორს დაექვემდებარება.
აქციის მონაწილეები აცხადებენ, რომ არსებობს საფრთხე რომ ისინი სამსახურის გარეშე დარჩებიან და კონკრეტულ პასუხებს განათლების მინისტრისგან ელოდებიან.