უბედური შემთხვევა მოხდა ტყიბულში მინდელის სახელობის მაღაროში. მაღაროს ნულოვან ჰორიზონტზე მოპოვებული ნახშირის ტრანსპორტირებისასმაღაროს უფროსის მოადგილე, 50 წლის ტარიელ ქასრაშვილი დაიღუპა.
კომპანია "საქნახშირის" დირექტორის შეფასებით, მომხდარი უბედური შემთხვევაა. საწარმოს ადმინისტრაციის გადაწყვეტილებით, მიზეზების დამდგენი კომისია შეიქმნა, რომელიც ადგილზე მუშაობს და მოკვლევა მიმდინარეობს.
კომპანია "საქნახშირის" ადმინისტრაცია და თანამშრომლები მწუხარებას გამოთქვამენ და უთანაგრძნობენ გარდაცვლილის ოჯახს.
"საქნახშირი" და შესაბამისი სადაზღვევო კომპანია უბედურ შემთხვევასთან დაკავშირებული ხარჯების ანაზღაურებას საკუთარ თავზე იღებს", - ნათქვამია "საქნახშირის" მიერ გავრცელებულ განცხადებაში.
მასალის გამოყენების პირობები