2016 წლის ბოლომდე ბათუმში ახალი სავაჭრო ცენტრი გაიხსნება. აჭარის ფინანსთა და ეკონომიკის სამინისტრო აუქციონზე, განმეორებით ფასდაკლებით, ბათუმში, გენერალ ა. აბაშიძის ქ. N20-ში მდებარე 2820 კვ.მ არასასოფლო სამეურნეო დანიშნულების მიწის ნაკვეთს ასხვისებს. ობიექტის საწყისი ღირებულება 510 ათასი ლარია და მისი გასხვისება 11 თებერვლისთვის ჩანიშნულ აუქციონზეა დაგეგმილი. აუქციონის პირობების მიხედვით, ინვესტორი ვალდებულია ხელშეკრულების გაფორმებიდან 6 თვის ვადაში საპროექტო დოკუმენტაცია მოამზადოს და მშენებლობის ნებართვა მიიღოს. ხელშეკრულების გაფორმებიდან 24 თვის ვადაში საბითუმო და საცალო ვაჭრობის ცენტრის მშენებლობა დაასრულოს და ექსპლუატაციაში შეიყვანოს კიდეც.
პირობების მიხედვითვე, სავაჭრო კომპლექსის ექსპლუატაციაში შესვლიდან არაუმეტეს 12 თვის ვადაში ინვესტორმა 1 წლის ვადით, საქართველოს 50 მოქალაქე უნდა დაასაქმოს. აღნიშნული პროექტის განხორციელებისათვის კი ინვესტორს, აუქციონის პირობების მიხედვით, არანაკლებ 1მილიონი ლარის ინვესტიცია უნდა განახორციელოს.