მთავარ პროკურატურასთან ვანო მერაბიშვილის ციხიდან გატაცებისა და მასზე ზეწოლის მცდელობის შესახებ გამოძიების დაწყების მოთხოვნით, დღეს აქცია გაიმართება.
როგორც "ჯი-ეიჩ-ენს" არასამთავრობო ორგანიზაციათა კოალიცია "საზოგადოებრივი ინიციატივიდან" აცნობეს, აქცია გაიმართება სახელწოდებით _ "იძებნება სამართალი". ორგანიზაცია ვანო მერაბიშვილის ციხიდან გატაცებაში ყოფილ პროკურორს ოთარ ფარცხალაძეს ადანაშაულებს.
"მიუხედავად იმისა, რომ ვანო მერაბიშვილმა ამის შესახებ საჯაროდ განაცხადა და პროკურატურა ვალდებული იყო დაეწყო ამ ფაქტზე გამოძიება, ეს დღემდე არ მომხდარა. ახლა, როდესაც შეიცვალა მთავარი პროკურორი, იმედს ვიტოვებთ, რომ შეიცვალა მთავარი პროკურატურის მიდგომა და პოლიტიკა ამ საკითხისადმი", _ აცხადებენ კოალიციაში.
