უკრაინის უმაღლესმა რადამ 16 იანვარს მიღებულ კანონთა უმრავლესობა გააუქმა. უკრაინული მედიის ინფორმაციით, ანტიკონსტიტუციურ კანონთა პაკეტის გაუქმებას დეპუტატები აპლოდისმენტებით შეეგებნენ.
გაუქმებულია 11 კანონიდან 9. კანონების გაუქმებას ხმა 412 დეპუტატიდან 361 მისცა. ამიერიდან ეს კანონები ძალადაკარგულად ითვლება. შეგახსენებთ, რომ 16 იანვარს რადის დეპუტატებმა ყოველგვარი განხილვის გარეშე აღნიშნული საკანონმდებლო პაკეტი მიიღო.
ამ კანონების მიღებამ გამოიწვია მომიტინგეებისა და ძალოვანების შეტაკებები ჯერ კიევში შემდეგ კი უკრაინის მთელს ტერიტორიაზე.
