თავდაცვის მინისტრი ირაკლი ალასანია პოლკოვნიკ სერგო თეთრაძის საქმეს ეხმიანება და იმედს გამოთქვამს, რომ აღნიშნული საკითხი ბოლომდე მიყვანილი იქნება.
,,გახსოვთ მე ვიყავი პირველი ვინც საჯაროდ განვაცხადე, ამ საშინელი დანაშაულის შესახებ ჯერ კიდევ წინა ხელისუფლების დროს და ჩემს მოვალეობად მივიჩნევ, ჩვენი მთავრობის პირობებში ამ საქმის გამოძიება ბოლომდე მივიდეს. თავდაცვის სამინისტრო პროკურატურა არ არის და ვერ შეიჭრება ბრალდებული ფუნქციაში, თავდაცვის სამინისტრო სასამართლო არ არის და მართლმსაჯულების აღსრულებაში ვერ ერევა. მე მივიღე უპრეცედენტო გადაწყვეტილება როდესაც შევხვდი ოჯახს, მათ ადვოკატს და პირადად ჩემი გადაწყვეტილებით გავათავისუფლე დაკავებული თანამდებობიდან ის პირები, ვინც მათ ეგონა ჩართული იყვნენ ამ დანაშაულში. მას შემდეგ პროკურატურამ შეისწავლა ეს საკითხი და პროკურატურიდან დასაბუთებული წერილები მოვიდა, რომ ამ კონკრეტულ პირებს ბრალი არ მიუძღვით. აქედან გამომდინარე სხვა უფლება არ ჰქონდა კადრების სამსახურს ისინი Yთანამდებობაზე არ აღედგინა. პროკურატურა მუშაობს და სრული ნდომა მაქვს, რომ საბოლოოდ მთლიანად შესწავლილი იქნება ეს საკითხი ", _განაცხადა ალასანიამ.
თბილისის საქალაქო სასამართლოში პოლკოვნიკ სერგო თეთრაძის წამებაში ბრალდებულ 13 პირს განაჩენასთან დაკავშირებით პროცესი მიმდინარეობს. ძებნაში მყოფ მეგის ქარდავას სერგო თეთრაძის საქმის ერთ-ერთ ეპიზოდიში, 9 წლით თავისუფლების აღკვეთა მიესაჯა. სერგო თეთრაძის წამების ეპიზოდში კი გამართლდა, საქალაქო სასამართლოს გადაწყვეტილებით, სწორედ ჩიკვატიასა და ლონდარიძის ეპიზოდებზე გამტყუნდა ქარდავა და მას 9 წლით თავისუფლების აღკვეთა მიესაჯა.პოლკოვნიკი სერგო თეთრაძე, ჯაშუშობის ბრალდებით, 2011 წლის 19 სექტემბერს დააკავეს, 25 სექტემბერს იგი გლდანის ციხეში გარდაიცვალა.