ადამიანის უფლებების დარღვევის გარკვეული შემთხვევების მიუხედავად საქართველომ მნიშვნელოვანი რეფორმების გატარება შეძლო, ნათქვამია მსოფლიოში ადამიანის უფლებების მდგომარეობის შესახებ აშშ-ს სახელწიფო დეპარტამენტის მიერ გამოქვეყნებულ ყოველწლიურ ანგარიშში.
ანგარიშში აღნიშნულია, რომ 2009 წლის განმავლობაში ქვეყანაში ძალაუფლების გადამეტების გამო იყო სიკვდილის, გატაცების, პოლიტიკური დევნის, მედიის შეზღუდვისა და სხვა შემთხვევები თუმცა, არის მნიშვნელოვანი მიღწევებიც, როგორიცაა რეფორმირებული კრიმინალური კოდექსისა და და ნაფიც მსაჯულთა სისტემის შემოღება. ასევე შესწორებული საარჩევნო კოდექსი, რომელიც თბილისის მერის პირდაპირ არჩევნებს გულისხმობს.
ანგარიშში ასევე საუბარია ადამიანის უფლებების დარღვევებზე ოკუპირებულ რეგიონებში.
აღნიშნულ ნაწილში, ჰოლარი კლინტონის უწყების მოხსენებაში საუნარია, რომ ეთნიკურად ქართულ მოსახლეობას ხშირად ავიწროებენ აფხაზები და რუსი სამხედროები. ე.წ. სამხრეთ ოსეთიდან დევნილებს კი დასაბრუნებლად რუსული პასპორტების აღება უწევთ.
"სეპარატისტულ რეგიონებში არ უშვებენ საერთაშორისო ორგანიზაციებს", _ აღნიშნულია დოკუმენტში.