საქართველოს უშიშროების საბჭოს მდივანი გიგა ბოკერია პრემიერ-მინისტრს ბიძინა ივანიშვილს პასუხობს. როგორც ჟურნალისტებთან ბოკერიამ განმარტა ბოლო ერი წლის განმავლობაში უშიშროების საბჭოს კონსულტანტები დაქირავებული არ ჰყოლია.
,,უშიშროების საბჭოს აპარატს მთელი ამ წლების განმავლობაში ჰყავდა დაქირავებული კონსულტანტები სხვადასხვა მიმართულებით. ნაწილი ამ ინფორმაციის იყო ყოველთვის საჯარო, ნაწილი კი სახელმწიფო ინტერესებიდან გამომდინარე არასაჯარო. რაც შეეხება ინფორმაციას რომელიც პრემიერს არ ვიცი ვინ მიაწოდა ნაღდი ფულის თაობაზე, ეს არის სრული სისულელე. უკვე დიდი ხანია იმ რეფორმების შედეგად, რაც საქართველოში გატარდა, ყველა ამ ტიპის გადარიცხვა არის ელექტრონული და ხელმისაწვდომი ყველა სახელმწიფო ორგანოსთვის",-განაცხადა ბოკერიამ.
შეგახსენებთ, რომ პრემიერ ივანიშვილის განცხადებით, უშიშროების საბჭო მთლიანად სააკაშვილის პიარკამპანიით იყო დაკავებული და მათ გასულ წელს 16 მილიონზე მეტი აქვთ დახარჯული. როგორც ივანიშვილმა რადიოსდგურებისა და გაზეთის რედაქტორებთან შეხვედრისას განაცხადა 16 მილიონიდან 400 000 დოლარი ნაღდი ანგარიშსწორებით არის გადახდილი.
