ბენზინი გაძვირებას განაგრძობს. ის ოპერატორები, რომლებმაც წინა კვირაში ფასი უცვლელი დატოვეს და რამდენიმე დღის განმავლობაში ფასს „იჭერდნენ", დღეიდან საცალო ქსელში ნავთობპროდუქტების ფასი მათაც გაზარდეს. როგორც „ლუკოილი" იტყობინება, მათ ქსელში ყველა პროდუქტი 2-5 თეთრით გაძვირდა. რაც შეეხება „სოკარს", ბენზინი აქ - 5 თეთრით გაძვირდა, ხოლო რაც შეეხება დიზელს, მისმა ფასმა 15 თეთრით დაიკლო.
შეგახსენებთ, რომ წინა კვირაში კომპანია „გალფმა" საწვავი 7-10 თეთრით გააძვირა, ხოლო „ვისოლმა" მხოლოდ 5 თეთრით.
