პოლიტპატიმრის სტატუსით ციხიდან გათავისუფლებული გიორგი გაბედავა დროებითი მოთავსების იზოლატორიდან გაათავისუფლეს.
როგორც გაბედავამ "ჯი-ეიჩ-ენთან" საუბრისას აღნიშნა, მისი გათავისუფლება ხელწერილის საუძველზე მოხდა.
"გუშინ საღამოს დაახლოებით 23:30 საათზე გამათავისუფლეს. დავწერე ხელწერილი, რომ სასამართლოზე მივიდოდი. დღესაა ჩანიშნული სასამართლო სხდომა და სავარაუდოდ, 100 ლარიანი ჯარიმა დამეკისრება,"- განაცხადა გიორგი გაბედავამ.
შეგახსენებთ, რომ გიორგი გაბედავა გუშინ თბილისის საქალაქო სასაამართლოს მიმდებარე ტეიტორიაზე შინაგან საქმეთა და თავდაცვის ექს-მინისტრ ბაჩო ახალაიას სასამართლო სხდომის პარალელურად მიმდინარე საპროტესტო აქციაზე დააკავეს.
შინაგან საქმეთა სამინისტროს ცნობით, გაბედავას ადმინისტრაციულ სამართალდარღვევათა კოდექსის 166-ე მუხლით გათვალისწინებული დანაშაული - წვრილმანი ხულიგნობა ედება ბრალად.
