თბილისის საქალაქო სასამართლოში მიკაელ კადიევის და რიმზან ომაროვის საქმის არსებითი განხილვა იწყება.
მათ ბრალად იარაღისა და ასაფეთქებელი ნივთიერებების უკანონოდ შენახვა ედებათ.
თავდაპირველად ორივე პირი ტერაქტის მცდელობის ბრალდებით დააკავეს, თუმცა სასამართლო პროცესზე გაირკვა, რომ მათ ბრალად არა ტერაქტის მომზადების მცდელობა, არამედ, იარაღისა და ასაფეთქებელი ნივთიერებების მართლსაწინააღმდეგოდ შეძენა აქვთ წაყენებული.
კადიევსა და ომაროვს თბილისის საქალაქო სასამართლომ წინასასამართლო სხდომაზე გირაოთი გათავისუფლებაზე უარი უთხრა.
როგორც მათმა ადვოკატმა პროცესის დასრულების შემდეგ განაცხადა, მისი დაცვის ქვეშ მყოფებს ნაკლებად მძიმე დანაშაულს ედავებიან, რომელიც ჯარიმას ან 3 წლამდე თავისუფლების აღკვეთას ითვალისწინებს.
