,,ნაციონალური მოძრაობის" დეპუტატმა ირმა ნადირაშვილმა პარტიის მიერ ჩატარებული პრაიმერი შეაფასა. როგორც ნადირაშვილმა განამარტა ეს ქართულ პოლიტიკაში ახალი სიტყვა იყო.
,, პრაიმერის ჩატარება იყო ახალი სიტყვა ქართულ პოლიტიკაში. დღემდე ამ ფორმით საპრეზიდენტო კანდიდატის გამოვლენა არ მომხდარა. ეს არ იქნება პირველი და უკანასკნელი ნაბიჯი, პარტია ემზადება სერიოზული ცვლილებების განსახორციელებლად შიდა დემოკრატიის, პარტიის მართვის კუთხით და ამის თაობაზე მალე ყველა შეიტყობს", _განაცხადა ირმა ნადირაშვილმა.
მისივე განმარტებით, ბევრი ექსცესის მიუხედავად ,,ნაციონალური მოძრაობის" პრაიმერი გამჭვირვალედ ჩატარდა.
შეგახსენებთ, რომ ,,ნაციონალურმა მოძრაობამ" საპრეზიდენტო კანდიდატი პრაიმერის გზით შეარჩია. ამ მიზნით პარტიამ რეგიონებსა და თბილისში კონფერენცია ჩაატარა, სადაც დავით ბაქრაძემ გაიმარჯვა.
