ქუთაისის მაჟორიტარი დეპუტატი, გუბაზ სანიკიძე მის წინააღმდეგ ბოლო დროს აგორებულ შავ პიარზე საგანგებო ბრიფინგი გამართა.
მისი განცხადებით, მას ბოლო პერიოდში მედიის საშუალებით ბრალს სდებენ თითქოს და ქუთაისის მაჟორიტარი დეპუტატი ქალაქისათვის არაფერს აკეთებს.
სანიკიძის განცხადებით, მისი სახით ისინი პოლიტიკურ გაერთიანება „ეროვნულ-ფორუმს" ებრძვიან, რის უფლებასაც მისი თქმით ის არავის მისცემს.
„ეს არის გეგმაზომიერი შემოტევა ჩვენს წინააღმდეგ. ამიტომ ვაპირებ ყველა იმ პიროვნებას, რომელიც ჩემს წინააღდმეგ სიცრუეს იტყვის მას სასამართლოში ვუჩივლებ. მე ნაკლებად მეგულება პარლამენტში დეპუტატი, რომელიც ჩემსავით აქტიური იყოს, საკუთარ ამომრჩეველთან მიმართებაში. ბოლო თვეების განმავლობაში მე შევხვდი 3 153 ადამაინს და მათ ნაწილს შეუსრულდა ის თხოვნა, რაც მათ ჰქონდათ."- განაცხადა გუბაზ სანიკიძემ.
