დღეს სასტუმრო "შერატონ ბათუმში" გაიმართა ბიძინა ივანიშვილისა და ურმას პაეტის სამუშაო ლანჩი.
საუბარი ორ ქვეყანას შორის არსებულ ურთიერთობებს შეეხო. პრემიერმა მადლობა გადაუხადა სტუმარს ევროპულ და ევროატლანტიკურ სტრუქტურებში ჩვენი ქვეყნის ინტეგრაციის მხარდაჭერისთვის.
მან ასევე აღნიშნა, რომ მნიშვნელოვანია ორ ქვეყანას შორის მაღალი დონის ვიზიტების ურთიერთგაცვლა პარტნიორული ურთიერთობების გასაღრმავებლად.
