ნატო მიესალმება საქართველოს მთავრობის მცდელობებს რუსეთთან ურთიერთობების დალაგების თაობაზე. ეს განცხადება ნატოს გენერალურმა მდივანმა ანდერს ფოგ რასმუსენმა პარლამენტის ეროვნულ ბიბლიოთეკაში სიტყვით გამოსვლისას გააკეთა.
„ნატოს მხარდაჭერა ქვეყნის ერთიანობის და სუვერენიტეტის კუთხით არის აბსოლუტურად ცალსახად დაცული და ჩვენ ვაღიარებთ თქვენი ქვეყნის საზღვრებს.
თქვენი ახალი მთავრობა ნამდვილად ძლიერად ახორციელებს თავის ძალისხმევას და რუსეთთან ურთიერთობის დალაგებისკენ იღწვის. ნატო მიესალმება ამ მცდელობებს.
ნამდვილად არის ამაში ასახული პოლიტიკური ვალდებულება და რეალისტური გაგება იმ შესაძლებლობებისა, რომელიც არსებობს", _ განაცხადა რასმუსენმა და აღნიშნა, რომ რუსეთსაც მოეთხოვა უკვე, რომ საქართველოს მიმართულებით ნაბიჯები გადმოდგას.
„მაგრამ როგორც ყველამ ვიცით, ამას ყველაფერს დროს სჭირდება და რუსეთმა უნდა დაუჭიროს ქვეყანას ამ კუთხით მხარი.
ჩვენ მივესალმებით საქართველოს ვალდებულებას რომ არ გამოყენოს ძალა და რუსეთსაც მოვთხოვეთ რომ შემხვედრი ნაბიჯები გადმოდგას", _ განაცხადა რასმუსენმა.
