რუსეთის საგარეო საქმეთა მინისტრი სერგეი ლავროვი აცხადებს, რომ რუსეთი მზად არის საქართველოსთან რეგულარული ავიამიმოსვლა აღადგინოს, ხოლო 1-ლი მარტიდან კი შესაძლოა სახმელეთო საზღვარიც გაიხსნას. ეს განცხადება სერგეი ლავრივმა რუსლ მედიასთან საუბრისას გააკეთა. აღნიშნული განცხადების გაკეთების შემდეგ მან კიდევ ერთხელ ხაზგასმით აღნიშნა, რომ ყოველივეს მიუხედავად "რუსეთის ფედერაცია არ აპორებს საქმე იქონიოს საქართველოს პრეზიდენტთან მიხეილ სააკაშვილთან, თუმცა ქართულ მხარეთან კონტაქტებისგან ჩვენი მხარე თავს არ იკავებს".
"თქვენ იცით, რომ მართლმადიდებლური შობის დღეებში რამდენიმე ჩარტერული რეისი განხორცილედა და ეს ქართული მხარის თხოვნა იყო. ჩვენ ჩვენი მხრივ, მივიჩნიეთ რომ ეს სწორი იქნებოდა. ამას გარდა, ჩვენ მზად ვართ გავხსნათ პირდაპირი ავიამიმოსვლა და ორივე ქვეყნის შესაბამის სამსახურებს ამის განხილვა სავსებით შეეძლოთ", _ განაცხადა ლავროვმა.
ამას გარდა, რუსეთის საგარეო საქმეთა მინისტრმა ასევე გამოთქვა იმედი იმისა, რომ 1 მარტიდან შესაძლოა ყაზბეგი-ზემო-ლარსის გადასასვლელი პუნქტი გაიხსნას, რომელიც საქართველოსა და რუსეთის საზღვარზე მდებარეობს.
"იმედი მაქვს, რომ 1 მარტიდან საქართველო-რუსეთის საზღვარზე ყაზბეგი-ზემო-ლარსის საკონტროლო გამშვები პუნქტი კვლავ ამოქმედდება, რომელიც 2006 წლის ივლისში დაიხურა. სხვათაშორის საკონტროლო-გამშვები პუნქტი ამჟამად ორივე მხრიდან შესაბამის მდგომარეობაში მოყვანილი.
მისივე თქმით, რუსეთის ფედერაცია მზადაა შეასრულოს ამ საკითხთან დაკავშირებული შესაბამისი უწყებების მიერ ხელმოწერილი ყველა შეთანხმება.
