ყველაფერს ვიღონებთ იმისთვის, რომ არაღიარების პოლიტიკა გაგრძელდეს", _განაცხადა ჟურნალისტებთან პარლამენტის თავმჯდომარემ დავით უსუფაშვილმა რუსეთის საგრეო საქმეთა მინისტრის განცხადების კომენტირებისას.
,,არაღიარების პოლიტიკა ეს არის დემოკრატიული სამყაროს გადაწყვეტილება. ეს არ არის ორდღიანი, ორ წლიანი გადაწყვეტილება. ეს არის მყარი გადაწყვეტილება. ჩვენ საქართველოს ახალი ხელისუფლება, რა თქმა უნდა, ყველაფერს ვიღონებთ იმისთვის, რომ არაღიარების პოლიტიკა არა მარტო გაგრძელდეს დემოკრატიული სამყაროს მიმართ, არამედ გამოიძებნოს დამატებითი გზები და საშუალებები იმისთვის, რომ დემოკრატიული სამყაროს მხარდაჭერით საბოლოოდ მოვაგვაროთ ეს პრობლემა", -განაცხადა უსუფაშვილმა.
შეგახსენებთ, რომ რუსეთის საგარეო საქმეთა მინისტრის სერგეი ლავროვის განცხადებით, რუსეთს არ ჰქონდა მიზნად დასახული 2008 წლის აგვისტოში სამხრეთ ოსეთის დამოუკიდებლობის აღიარება. ეს განცხადება
"მიზნად, დამოუკიდებელი სახელმწიფოს აღიარება დასახული არ ყოფილა. ამაზე არც არავინ ფიქრობდა. მე მოწმე ვიყავი იმ განხილვებისა, რომლებიც მოსკოვში მიმდინარეობდა. მიზანი იყო ერთი - შეჩერებულიყო სისხლისღვრა. მაგრამ, ამის შემდეგ თბილისდან რევანშისტული განცხადებები გაისმა, სააკაშვილმა უარი განაცხადა საფრანგეთისა და რუსეთის პრეზიდენტების წინადადებაზე - დაზავებაზე და აფხაზეთისა და სამხრეთ ოსეთის სტატუსთან დაკავშირებით საერთაშორისო განხილვების დაწყებაზე. ჩვენ მზად ვიყავით სტატუსის განხილვა საერთაშორისო კონტექსტში დაგვეწყო. საააშვილმა კი განაცხადა - არავითარი განხილვა", _ განაცხადა სერგეი ლავროვმა ტელეარხ "RTVI"-სთან საუბარში.
მისივე თქმით, საქართველოს პრეზიდენტის მიერ გაკეთებულმა რევანშისტულმა განცხადებებმა მიიყვანა რუსეთის ხელმძღვანელობა იმ დასკვნამდე, რომ დამოუკიდებლობის აღიარების გარდა უსაფრთხოებისა და ამ ხალხებს სიცოცხლის გადარჩენის სხვა გზა არ არსებობდა.
"მე ვერ ვხედავ, რომ ახლო მომავალში გამოჩნდეს ისეთი ქართველი პოლიტიკოსი, რომელიც იტყვის: მორჩა, ჩვენ დავივიწყეთ ეს, ჩვენ მართალი არ ვიყავით. ზუსტად ასევე არ იქნება რუსი პოლიტიკოსი, რომელიც იტყვის: მოდით, ყველაფერი თავის წრეზე დავაბრუნოთ. შეუძლებელია ეს მოხდეს. როდესაც ამერიკელები, ევროპაში ჩვეულებრივი შეიარაღების შესახებ შეთანხმების გაფორმების კონტექსტში გვთავაზობენ ჩვენ ჩავწეროთ იმ საზღვრების პატივისცემა, რომლებიც 2008 წლის აგვისტომდე არსებობდა, ჩვენ ვპასუხობთ, რომ მათ შეუძლიათ ჩვენ არ დაგვეთანხმონ, მაგრამ ეს რუსეთის პრეზიდენტის გადაწყვეტილებაა", _ აცხადებს სერგეი ლავროვი.
