კულტურის სამინისტროში მიმდინარე მრგვალი მაგიდა, რომელიც რაბათის თემაზე იმართება ,,ნაციონალური მოძრაობის" გენერალურმა მდივანმა ივანე მერაბიშვილმა დატოვა და აღნიშნა, რომ არცერთ მტკაველს რაბათის ციხეში არ დათმობს.
,,მე რომ აქ მოვდიოდი მეგონა, რომ საქმე იყო გაცილებით მარტივად, საქმე ყოფილა ძალიან მძიმედ. Mმე მომეჩვენა, რომ ვიყავი ინკვიზიციის სხდომაზე, მაგრამ მადლობა ღმერთს 21-ე საუკუნეა", _განაცხადა ჟურნალისტებთან მერაბიშვილმა და აღნიშნა, რომ იგი თავის მეგობრებთან ერთად რაბათის გადასარჩენად სპეციალურ მოძრაობას შექმნის.
