დღეს, იუსტიციის სამინისტროს საჯარო რეესტრის ეროვნულ სააგენტოს სამუშაო ვიზიტით ბელორუსიის დელეგაცია ეწვია. დელეგაციის შემადგენლობაში ბელორუსიის სხვადასხვა სახელმწიფო უწყებების, ეროვნული კადასტრის სააგენტოს და სახელმლწიფო ტექნიკური უნივერსიტეტის წარმომადგენლები შედიან.
ვიზიტის ძირითადი მიზანია, გაეცნონ ქონების რეგისტრაციის სისტემის ქართულ მოდელს, ბიზნესის დაწყების გამარტივებულ პროცედურებს და საქართველოში მიწის ადმინისტრირების სფეროში გატარებულ რეფორმას.
ვიზიტის ფარგლებში, დელეგაციის წევრები საჯარო რეესტრის გარდა სხვა სამთავრობო უწყებებსაც ეწვევიან. დაგეგმილია შეხვედრები საჯარო რეესტრის ავტორიზებულ მომხმარებლებთან. სტუმრები დაათვალიერებენ ლილოს არქივს, ასევე შეხვდებიან ტექნიკური და სახელმწიფო უნივერსიტეტების წარმომადგენლებს.
ბელორუსიის დელეგაციის ვიზიტი 6 აპრილს დასრულდება.