შოთა რუსთაველის ეროვნული სამეცნიერო ფონდი და საფრანგეთის სამეცნიერო კვლევების ეროვნული ცენტრი (CNRS) ერთობლივი სამეცნიერო გრანტების პროგრამის ფარგლებში აცხადებენ 2013 წლის კონკურსს.
საგრანტო კონკურსის მიზანია: ა) მეცნიერების სფეროში ორ ქვეყანას შორის თანამშრომლობის გაღრმავება-გაფართოება და ქართველ მეცნიერთა კვლევების დონის ამაღლება; ბ) ახალგაზრდა მეცნიერთა ერთობლივ კვლევებში აქტიური ჩართვა და ევროპულ კვლევით სივრცეში მათი ინტეგრაციის პროცესის ხელშეწყობა.
კონკურსის შედეგად დასაფინანსებლად შეირჩევა ერთობლივი სამეცნიერო პროექტები შემდეგი პრიორიტეტული სამეცნიერო მიმართულებებიდან: ა) მათემატიკა, მექანიკა; ბ) ფიზიკა; გ) სიცოცხლის შემსწავლელი მეცნიერებები.
ქართველ მეცნიერთა მიერ ქართულ და ინგლისურ ენებზე მომზადებული ერთობლივი საპროექტო წინადადებები მსურველებმა უნდა წარადგინონ შოთა რუსთაველის ეროვნულ სამეცნიერო ფონდში 2013 წლის 31 ივლისის, 18.00 საათამდე.
