აფხაზ სეპარატისტთა ლიდერი ალექსანდრე ანქვაბი აფხაზეთში რუსეთის ფედერალური უსაფრთხოების სამსახურის სასაზღვრო სამმართველოს ხელმძღვანელს სერგეი კომარევცევს შეხვდა. ინფორმაციას ამის შესახებ აფხაზური მედია ავრცელებს.
საუბარი შეხვედრისას მდინარე ენგურზე არსებული ე.წ. სახელმწიფო საზღვრის დაცვის საკითხებს მიეძღვნა.
"აფხაზეთში რუსეთის ფედერალური უსაფრთხოების სამსახურისა და სახელმწიფო უშიშროების კომიტეტის ურთიერთქმედების საკითხები სახელმწიფო საზღვრის დაცვის მიმართულებით განიხილებოდა დღეს გამართულ შეხვედრაზე", _ წერს აფხაზური მხარე.
ამას გარდა, ანქვაბმა რუს სამხედროსთან ერთად ასევე განიხილა ე.წ. სასაზღვრო სამსახურების საინფორმაციო ურთიერთქმედების საკითხები.
