ოსი სეპარატისტები აცხადებენ, რომ საქართველოს პარლამენტის მიერ მიღებული რეზოლუცია მათთვის არაფერს ნიშნავს. ე.წ. პოსტკონფლიქტური დარეგულირების საკითხებში ოს სეპარატისტთა ლიდერის ე.წ. რწმუნებულის მურატ ჯიოევისთქმით, რამდენად არის მზად საქართველოს ხელისუფლება რეალური უსაფრთხოების უზრუნველყოფისათვის და კეთილმეზობლობისათვის ამას ჟენევის საერთაშორისო მოლაპარაკებათა მორიგი რაუნდი ცხადჰყოფს.
"თავისი არსით, რეზოლუცია "საქართველოს საგარეო პოლიტიკის მიმართულებების" შესახებ რომელიც საქართველოს პარლამენტმა მიიღო, ანალოგიური დოკუმენტებისგან თითქმის არაფრით განსხვავდება.
ასევე არ იცვლება საქართველოს ხელისუფლების დამოკიდებულება აფხაზეთსა და სამხრეთ ოსეთთან მიმართებაში. შენარჩუნებულია იგივე აგრესიული რიტორიკა, იგივე შეურაცხმყოფელი გამონათქვამები რომელიც არა თუ სააკაშვილის, არამედ გამსახურდიას დროიდან მოდის ჯერ კიდევ", _ აცხადებს ჯიოევი.
მისივე თქმით, საქართველოს ხელისუფლება აგრძელებს იმის არშემჩნევას, რომ სახელმწიფოები - აფხაზეთი და ე.წ. სამხრეთ ოსეთი - არ არსებობენ და აგრძელებენ ტერმინების გამოყენებას ისეთები როგორიცაა "ტერიტორიული მთლიანობა საერთაშორისოდ აღიარებულ ფარგლებში", "დეოკუპაცია", რომლებსაც არც პოლიტიკური და არც იურიდიული საფუძველი არ აქვთ.
"სამხრეთ ოსეთში არავითარი აღფრთოვანება არ გამოუწვევია საქართველოს პარლამენტის მიერ მიღებულ რეზოლუციის პრეამბულაში დაფიქსირებული ვალდებულების დადასტურებას იმის შესახებ, რომ საქართველოს პარლამენტარები ადასტურებენ "საქართველოს ვალდებულებას ძალის გამოუყენებლობის შესახებ, რომელიც საქართველოს პრეზიდენტმა აიღო თავის თავზე საერთაშორისო საზოგადოების წინაშე სიტყვით გამოსვლისას სტრაზბურგში ეროპარლამენტის წინაშე სიტყვით გამოსვლისას".
როგორც ცხოვრება გვიჩვენებს, საქართველოს ხელისუფლებამ შესაძლოა აიღოს თავის თავზე ვალდებულება და ისევე იოლად, როგორც მისი დარღვევა შეუძლია მერე. ამას გარდა, არც საქართველოს პარლამენტის მიერ მიღებულ რეზოლუციაში და არც სააკაშვილის სიტყვებში არ არის ნათქვამი არაფერი იმის შესახებ, რომ საქართველო სამხრეთ ოსეთის წინააღმდეგ არ გამოიყენებს ძალას", _ აცხადებს ჯიოევი და აღნიშნავს, რომ იმის გათვალისწინებით, რომ საქართველოს ხელისუფლება არ აღიარებს "სამხრეთ ოსეთის რესპუბლიკას", ე.წ. სამხრეთ ოსეთში მცხოვრები ხალხისათვის ამგვარი განცხადებები უსაფრთხოების გარანტიად ვერ გამოდგება.
"ასეთი გარანტია მხოლოდ იურიდიულად სავალდებულო ორმხრივი ხელშეკრულება შეიძლება იყოს, მყარი საერთაშორისო გარანტიებით. სწორედ ამგვარი ხელშეკრულების გაფორმებისათვისაა მოწოდებული ჟენევის საერთაშორისო მოლაპარაკებები. ჟენევის მოლაპარაკებები როგორც ამას ქართველი პარლამენტარები ფიქრობენ საქართველოსა და რუსეთის დიალოგი კი არ არის, არამედ მრავალმხრივი ფორმატია, რომელშიც სამხრეთ ოსეთი და აფხაზეთი სხვა მონაწილეთა თანასწორ საფუძველზე მონაწილეობენ.
ხოლო რამდენად არის მზად საქართველოს ხელისუფლება რეალური უსაფრთხოების უზრუნველყოფისათვის და კეთილმეზობლობისათვის ამას ჟენევის საერთაშორისო მოლაპარაკებათა მორიგი რაუნდი გვაჩვენებს", _ აცხადებს მურატ ჯიოევი.
მასალის გამოყენების პირობები
