საბერძნეთში სახელმწიფო და კერძო სექტორში დასაქმებულები 24 საათიან გაფიცვაში მიიღებენ მონაწილეობას. გაფიცვის მონაწილეები მთავრობის "ეკონომიის" სამთავრობო გეგმას გააპროტესტებენ. ეს პირველი მასშტაბური გაფიცვაა მიმდინარე წელს.
დღევადელი გაფიცვის შესახებ მისმა ორგანიზატორებმა ხელისუფლება ერთი კვირით ადრე გააფრთხილეს.
უნდა აღინიშნოს, რომ მომავალ კვირას საერთაშორისო კრედიტორებმა უნდა მიიღონ გადაწყვეტილება საბერძნეთისთვის კრედიტის ახალი ტრანშის გამოყოფის შესახებ.
შეგახსენებთ, რომ ბოლო წლების განმავლობაში საბერძნეთში პერმამენტულად იმართება მასშტაბური საპროტესტო აქციები, რომელიც ქვეყნის ეკონომიკაში არსებული პრობლემებით არის გამოწვეული. ევროკავშირი და საფინასო ინსტიტუტები საბერძნეთისგან საბიუჯეტო ხარჯების შემცირებას და შემოსავლების გაზრდას ითხოვენ.
