სამშენებლო კოდექსის პროექტი რომელიც რამდენიმე თვეა უკვე შემუშავდა, დღეს ეკონომიკის სამინისტრომ არასამთავრობო სექტორისა და სამშენებლო კომპანიების წარმომადგენლებთან განიხილა. როგორც პარლამენტის დარგობრივი ეკონომიკისა და ეკონომიკური პოლიტიკის კომიტეტის თავმჯდომარემ ზურაბ ტყელმაძე განმარტავს სამშენებლო სფეროს მარეგულირებელი კანონმდებლობა სრულყოფილი არ იყო და ის გარკვულ დახვეწას საჭიროებდა.
მისივე განცხადებით, უკვე შექმნილია სამშენებლო კოდექსის პროექტი რომელიც საჯარო განხილვების შემდეგ პარლამენტში გადაინაცვლებს.
,,სამშენებლო კოდექსის პროექტი დიდი ხანია მომზადებულია და მას გარკვეული ხარვები გააჩნია. კოდექსთან მიმართებაში გარკვეული შენიშვნები აქვს არასამთავრობო სექტორს და სამშენებლო კომპანიებს. კარგია, რომ კოდექსის საჯარო განხილვა დაიწო და არსებული შენიშვნებლი საბოლოო პროექტში მაქსიმალურად იქნება გათვალისწინებული. შენიშვნები ძირითადად არის მშენებლობის კოეფიციენტთან მიმართებაში, ასევე საზღვრებთან დაკავშირებით და თუ როგორ უნდა გაიცეს ნებართვები და ჩატარდეს ექსპერტიზა. ჩვენ ყველაფერი უნდა გავაკეთოთ იმისათვის, რომ მშენებლობის ხარისხი გაიზარდოს', -განაცხადა ტყემალაძემ.
ეკონომიკისა და მდგრადი განვითარების მინისტრის პირველი მოადგილე დიმიტრი ქუმსიშვილი აცხადებს, რომ საჯარო განხილვებისა და პროექტის სრულყოფილ კონდიციამდე მიყვანას 6-8 თვემდე დასჭირდება.
,,დღეს ჩვენ გავხსენით ღია დიალოგო და ვიხილავთ სივრცითი დაგეგმვისა და სამშენებლო საქმიანობის შესახებ კოდექსს. წლების მანძილზე ბევრი პრობლემა დაგროვდა მათ შორის მშენებლობის ხარისხთან მიმართებაში. ჩვენი ამოცანაა რომ კოდექსის მიღებით მოვახერხოთ არსებული პრობლემების მინიმალიზიცია" განაცხადა ქუმსიშვილმა.
გერმანიის მთავრობის ბრემენის უნივერსიტეტის პროფესორი გერტ ვინთერი საქართველოს მთავრობას ურჩევს, რომ კოდექსის შემუშავებისას კოდექსში შეტანილი იყოს სამხარეო დაგეგმვის დონე.
,,დაგეგმვა უნდა მიმდინარეობს სხვადასხვა დონეზე. ქვეყანაში ამ დროისათვის არის მუნიციპალური და ავტონომიური რესპუბლიკების დაგეგმვის დონე. ჩვენ ვცდილობთ და ეს ჩემი რეკომენდაციაა, რომ ქვეყანაში იყოს და კოდექსში გაჩნდეს სამხარეო დაგეგმვის დონე, რადგან მხარის ადმინისტრაციამ უფრო კარგად იცის საკუთარი რეგიონის სპეციფიკა",_ განაცხადა გერტ ვინთერმა.
