საინვესტიციო გარემოს გაცნობის მიზნით, აჭარას თურქული კომპანია „ქავაქის" წარმომადგენლები სტუმრობენ, რომელიც აჭარის სოფლის მეურნეობის მინისტრმა ზაურ ფუტკარაძემ მიიღო. მინისტრმა სტუმრებს რეგიონის სოფლის მეურნეობის ძირითადი მიმართულებები, საექსპორტო პოტენციალი და აგროსასურსათო სექტორში უცხოური ინვესტირების პერსპექტივები გააცნო.
შეხვედრის მიზანს წარმოდგენდა რეგიონში ციტრუსის შემფუთავი და დამხარისხებელი საწარმოების ამოქმედება, რის საფუძველზეც ციტრუსოვანთა ნაყოფს გაუხანგრძლივდება შენახვისა და რეალიზაციის ვადები, რაც გაზრდის საექსპორტო პოტენციალს.
შეხვედრაზე განხილული იქნა თურქეთის რესპუბლიკის მეციტრუსეების გამოცდილება ჩვენი ქვეყნის მეციტრუსე ფერმერებისათვის.
