მიწისძვის შედეგად დაზარალებული ოჯახების შესწავლა დაიწყო, აღნიშნული გადაწყვეტილება „აჭარის ავტონომიურ რესპუბლიკაში სტიქიური მოვლენების შედეგად მიყენებული ზარალის სალიკვიდაციო შერეულმა სამთავრობო კომისიამ" სხდომაზე მიიღო.
სხდომაზე მიწისძვრის შედეგად დაზარალბულთა შესახებ ინფორმაცია მუნიციპალიტეტის გამგებლებმა წარმოადგინეს, რომლის მიხედვით ხელვაჩაურისა და ქობულეთის მუნიციპალიტეტებში მიძისძვრის შედეგად დაზარალია 100-ზე მეტი ოჯახი.
სამთავრობო კომისიის გადაწყვეტილებით, დაზარალებული ოჯახების მდგომარეობის შესწავლა საჭიროების შემთხვევაში რეგიონის ყველა მუნიციპალიტეტში განხორციელდება. პირველ ეტაპზე კი სამუშაოები ქობულეთისა და ხელვაჩაურის მუნიციპალიტეტებში ჩატარდება, რადგან მიწისძვრამ ყველაზე მეტი ოჯახი აქ დააზარალა.
დაზარალებული ოჯახების შესწავლაში მონაწილეობას მიიღებენ აჭარის ავტონომიური რესპუბლიკის ჯანმრთელობისა და სოციალური დაცვის სამინისტროს დევნილთა და განსახლების დეპარტამენტის, აჭარის ავტონომიური რესპუბლიკის გარემოს დაცვისა და ბუნებრივი რესურსების სამმართველოსა, აჭარის ავტონომიური რესპუბლიკის მთავრობის აპარატის ადმინისტრაციულ ორგანოებთან ურთიერთობის დეპარტამენტის თანამშრომლები და კონსტრუქტორები.
