დედამიწასთან ასტეროიდების შეჯახების თემა კვლავ აქტუალურია.უცხოური მედიის ინფორმაციით, "ნასას" ასტრონომებმა ასტეროიდი AG5 აღმოაჩინეს, რომლის დედამიწასთან შეჯახების ალბათობა, 10 წლის შემდეგ, საკმაოდ მაღალია. ასტეროიდის ჩამოვარდნამ კი, შესაძლოა, მილიონობით ადამიანის დაღუპვა გამოიწვიოს
თუ ასტეროიდი AG5 ჩვენს პლანეტას შეეჯახება, ის გაანადგურებს მილიონობით ადამიანს, მაგრამ კაცობრიობას გლობალური განადგურება არ ემუქრება. მეცნიერების განმარტებით, ის შეიძლება შევადაროთ ასტეროიდს, რომელმაც 65 მილიონი წლის წინ დინოზავრების განადგურება გამოიწვია, მეცნიერთა ვარაუდით, ასტეროიდი სიგანით 14 კილომეტრი იყო.
რაც შეეხება ამ ასტეროიდს, მისი ზუსტი ზომების განსაზღვრა მეცნიერებმა, ჯერჯერობით, ვერ მოახერხეს. ამას სპეციალისტები დაახლოებით 2013-16 წლებში შეძლებენ, როცა ის იმ სიახლოვეზე აღმოჩნდება დედამიწიდან, რომ მეცნიერები დაკვირვებას შეძლებენ. მეცნიერები ამჯერად განიხილავენ ვერსიებს, თუ როგორ აიცილონ ასტეროიდის შეჯახება.