სრულიად საქართველოს კათოლიკოს-პატრიარქმა, უწმინდესმა და უნეტარესმა ილია მეორემ ღვთისადმი მადლიერების აუცილებლობაზე იქადაგა.
პატრიარქმა ქადაგებისას აღნიშნა, ხშირად ადამიანები უფალს სხვადასხვა თხოვნით მიმართავენ, თუმცა, მისთვის მადლობის შეწირვა ავიწყდებათ.
უწმინდესმა სახარების ის ნაწილი გაიხსენა, რომლის თანახმადაც უფალმა ათი კეთროვანი განკურნა, თუმცა ათიდან მხოლოდ ერთმა შესწირა უფალს მადლობა განკურნებისთვის.
"ეს თითქოს ჩვენს შესახებ არის დაწერილი. ხშირად ვთხოვთ უფალს რაიმეს შესრულებას და მადლობის შეწირვა გვავიწყდება. მუდამ უნდა გვახსოვდეს, რომ როდესაც ლოცვას აღვასრულებთ, მადლობა და დიდება შევწიროთ უფალს ყველაფრისთვის", - ბრძანა უწმინდესმა.