ე.წ. სამხრეთ ოსეთის "პარლამენტმა" თანამდებობიდან ე.წ. უზენაესი სასამართლოს თავმჯდომარე აცამაზ ბიჩენოვი გადააყენა. დადგენილება ბიჩენოვის გადაყენების შესახებ ე.წ. პარლამენტში ოს სეპარატისტთა ლიდერმა ლეონიდ თიბილოვმა შეიტანა.
ბიჩენოვის გადადგომას "სხდომაზე დამსწრე 24-ვე დეპუტატმა მისცა ხმა", _ იუწყება ოსური მხარე.
მათივე ინფორმაციით, ბიჩენოვმა თიბილოვს გადადგომის განცხადებით თავად მიმართა, ხოლო ე.წ. სხდომას სადაც იგი გადააყენეს "ჯანმრთელობის მდგომარეობის" გამო არ დასწრებია.
აღსანიშნავია რომ ეს სწორედ ის აცამაზ ბიჩენოვია, რომლის გადაყენების მოთხოვნა ერთ-ერთ პუნქტად იყო შეტანილი ოს სეპარატისტთა მშინდელ ლიდერს ედუარდ კოკოითსა და ე.წ. სამხრეთ ოსეთის ოპოზიციის მაშინდელი ლიდერის ალა ჯიოევას კომპრომისულ შეთანხმებაში, რომელიც 2011 წლის დეკემბერში გაფორმდა.
