ბოროტმოქმედები, რომლებმაც სირიაში რუსეთის ორი მოქალაქე და ერთი იტალიელი გაიტაცეს გამოსასყიდს ითხოვენ. გამოსასყიდის ოდენობა არ კონკრეტდება. ინფორმაციას ამის შესახებ რუსეთის საგარეო საქმეთა სამინისტრო ავრცელებს.
"17 დეკემბერს ქალაქ ჰომსიდან ქალაქ ტარტუსში მიმავალ გზაზე უცნობმა პირებმა რუსეთის ორი მოქალაქე და იტალიის ერთი მოქალაქე გაიტაცეს, რომლებიც ამ გზაზე ავტომობილით მგზავრობდდნენ. აღსანიშნავია, რომ რუსეთის ამ მოქალაქეებს ასევე სირიის მოქალაქეობაც აქვთ.
სამივე მათგანი იაპონური კომპანიის "ხმიშო და კო"-ს თანამშრომლები არიან", იუწყება რუსეთის საგარეო უწყება.
მათივე ინფორმაციით, გამტაცებლებმა თავიანთი მოთხოვნები ტელეფონით წამოაყენეს.
