ამერიკის შეერთებული შტატების აიოვას შტატში პლანეტის უხუცესი ქალი, დინა მანფრედინი გარდაიცვალა. იტალიური წარმოშობის ამერიკელი 115 წლის და 257 დღის იყო. უკანასკნელ წლები ის ლოგინად იყო ჩავარდნილი. „სი-ენ-ენის" ცნობით, მანფრედინი ძილში გარდაიცვალა.
მსოფლიოს ყველაზე უხუცესი ქალის სტატუსი დინამ მხოლოდ ორი კვირა ატარა. მანფრედინი დედამიწის ყველაზე ასაკოვან ქალად 117 წლის ამერიკელის, ბესი კუპერის გარდაცვალების შემდეგ გამოცხადდა, რომელიც 5 დეკემბერს გარდაიცვალა.
დინა მანფედინი 1897 წლის 4 აპრილს, იტალიაში დაიბადა. 1920 წელს, ის ქმართან ერთად, ამერიკაში ემიგრაციაში წავიდა. მეორე მსოფლიო ომის დროს საბრძოლო იარაღის მწარმოებელ ქარხანაში მუშაობდა. მანფრედინის ქმარი 1967 წელს დაიღუპა, რის შემდეგაც დინამ დაახლოებით 40 წელი მარტომ გაატარა, ზრდიდა შვილიშვილებს და შვილთაშვილებს.
გინესის რეკორდების წიგნში აღნიშნულია, რომ დინას მძიმე ცხოვრება ჰქონდა და 90 წლამდე დამლაგებლად მუშაობდა. მას სამი შვილი, შვიდი შვილიშვილი და თორმეტი შვილთაშვილი დარჩა.
