დღეს, 18 დეკემბერს, კოტე მარჯანიშვილის სახელობის დრამატულ თეატრში პეტერბურგის სახელმწიფო თეატრი - "მასტერსკაია" წარმოადგენს რეჟისორ გრიგორი კოზლოვის სპექტაკლს "უფროსი ვაჟი".
რეჟისორი გრიგორი კოზლოვი თავის სტუდენტებთან ერთად, მაყურებელს სიცოცხლისადმი სიყვარულით გაჯერებულ და მოულოდნელობებით აღსავსე ლირიკულ კომედიას სთავაზობს.
ცნობილი რეჟისორის გრიგორი კოზლოვის თეატრი /სახელოსნო "მასტერსკაია", 2010 წელს პეტერბურგში ახალგაზრდა და ნიჭიერი სამსახიობო ჯგუფის ბაზაზე შეიქმნა და თეატრალურ სამყაროში მალე დაიმკვიდრა თავისი ადგილი როგორც ახალგაზრდა, თანამედროვე და განსაკუთრებული სტილის მქონე შემოქმედებითმა ლაბორატორიამ თეატრმა. პეტერბურგის სახელმწიფო თეატრი "მასტერსკაია", სხვადასხვა თეატრალური ფესტივალის პრიზიორი და ჯილდოს მფლობელია.
