საზოგადოებრივი მაუწყებლის გენერალური დირექტორის ვაკანტურ თანამდებობაზე უკვე 29 განცხადებაა შესული.
საბუთების მიღება 20 დეკემბრის 18:00 საათამდეა შესაძლებელი. კანონის შესაბამისად, ახალი ხელმძღვანელი ერთი თვის ვადაში უნდა დამტკიცდეს.
ახალი დირექტორის დასამტკიცებლად კონკურსი 2 ეტაპად ჩატარდება.
შეგახსენებთ, რომ ყოფილმა საზოგადოებრივი მაუწყებლის გენერალურმა დირექტორმა გია ჭანტურიამ თანამდებობა საკუთარი გადაწყვეტილების საფუძველზე დატოვა.
