აჭარაში ახალი კლინიკებისთვის კადრების შერჩევა წარმატებით მიმდინარეობს. "ალდაგი ბისიაის" შვილობილი კომპანია - „ჩემი ოჯახის კლინიკა" ბათუმში და ქობულეთში ახალ საავადმყოფოებს ხსნის, სადაც ნოემბერში გამოცხადებული კონკურსის გზით 750-ზე მეტი ადამიანი დასაქმდება.
როგორც "ჯი-ეიჩ-ენს" კომპანიაში განუცხადეს, მათი მიზანია მაღალკვალიფიციური კადრების დასაქმება, ამიტომ შერჩევის პროცესს განსაკუთრებული ყურადღება ეთმობა. კანდიდატების ინფორმირება შერჩევის შესახებ ნოემბერში განხორციელდა, კონკრეტულად თუ სად და როდის ჩატარდებოდა შერჩევა მათ 2-3 დღით ადრე ეცნობათ. კანდიდატებს აგრეთვე საშუალება ქონდათ სასურველი შერჩევის დრო თავად განესაზღვრათ. ექიმებს ტესტირება ზოგად უნარ-ჩვევებში ჩაუტარდათ, მედდებმა პროფესიული ტესტები გაიარეს. გასაუბრება ყველას ჩაუტარდა.
ამჟამად მიმდინარეობს შერჩევის შედეგების დათვლა და ახალ კლინიკებში დასაქმდებიან ის კანდიდატები, რომლებმაც ტესტირების მინიმალური ზღვარი გადალახეს და წარმატებით გაიარეს გასაუბრება.
